Circa litteram

CIrca litteram Seipso minor dicitur. Sic est intelligendum quod christus secundum quod homo minor est seipso secundum quod est deus. ( ylarius tamen dicere videtur quod pater sit maior filio: nec tamen filius sit minor patre.)

¶ Contra. Maior dicitur minore maior.

¶ Respondeo quod maior non accipitur hic secundum quod notat inequalitatem: sed secundum quod dicit relationem principii ad illum: cuius est principium volens dicere quod pater est principium filii non econuerso.

¶ Unde Hylarius accipit maioritatem improprie: et non est sermo extendendus nec proferendus nisi cum sana determinatione. (Cui innascibilitatis.) Tunc expone sic. cui id est filio. (Innascibilitatis id est patris qui est innascibilis. ( Impartit.) idest dat. (Esse imaginem sacram natiuitatis.) idest sacra et secreta natiuitatis.

¶ Nota etiam quod christus ante ascensionem suam: apostolis misit spiritum sanctum visisibiliter: et etiam post suam ascensionem ad significandum dilectionem ordinari debere ad proximum propter deum et principaliter ad ipsum deum.