Circa litteram

CIrca litteram Maledictus qui totum hominem quem assumpsit dei filius denuo assumptum vel liberatum tertia die a mortuis resurrexisse non confitetur quod non est sic intelligendum quod denuo assumpsit animam et carnem: quia nunquam eam deposuit: sed quia animam iterum carni vniuit: ex quorum vnione iterum constituta est humana natura qua per eorum separationem corrupta fuerat in morte. Nemo tollit eam a me quia quamuis mors christi fuit violenta per comperationem ad humanam naturam: non tamen per comperationem ad personam que naturam humanam potuit a morte defendere si voluisset. Caro ergo animam posuit hoc superius expositum est. di. 16. questione quarta. Sane ergo dici potest quod mortuus est deus et non mortuus hoc concedit magister: quod non est contradictio: quia vtraque affirmatiua est: sed ista non esset concedenda: deus non fuit mortuus que est alterius contradictoria negans mortem a deo ratione vtriusque nature. Uel potest dici quod ista deus fuit non mortuus concedi non debetsine determinatione expressa vel sub intellecta scilicet ratione iuine nature: et sic intelligit magister.