Circa litteram

CIrca litteram. Si quos baptizauit ebriosus. Non est hoc intelligendum de ebrioso actu existente in ebrietate ligante simpliciter rationis vsum. quia talis non posset habere intentionem baptizandi: sed de assueto ad ebrietatem: non tamen quando baptizat existente ebrio: vel non habente ebrietatem que totaliter impediat rationis vsum. Si in heresi quacumque etc. hoc expositum est in questionibus. Non hominem iudicat qui baptizat: subministrare scilicet gratiam christi interius. Unde sequatur. Sed spiritum dei etc. Munus enim equale inbonis: siue a bonis siue a malis baptizarentur: hoc in questionibus est expositum: quod per illum fluit purum est: idest quod fluit per ministerium illius. Ne seruus in seruo spem poneret scilicet tanquam in remuneratore: potest enim homo spem ponere in homine tanquam in adiutore. Tot essent baptismi quot serui scilicet denominatione et esset schisma in ecclesia. Ita in ministerio haberet intus mundare: hoc effectiue intelligendo falsum est. Posset deus per aliquem causare: hoc simpliciter falsum est: vt ostensum est in questionibus: et opinio Magistri in isto passucommuniter non tenetur.