Articulus 4

Quaestio I.

PRimo ostendo quod non habens ordinem non possit baptizare. de consecra. di. 4. Constat baptisma solis sacerdotibus esse traditum: erusque ministerium.

¶ Item quamuis sacramentum penitentie sit sacramentum necessitatis: non tamen potest absoluere nisi sacerdos: ergo a simili nec baptizare.

¶ Item ad solos prelatos pertinet in ecclesiam militantem introducere: vel ab ea excludere: sed per baptismum introducitur baptizatus in ecclesiam militantem: ergo ad solos prelatos pertinet baptizare.

Contra vt habetur Ioan. 3. Discipuli christi baptiza bant: et tamen nondum acceperant claues ecclcsie: ordinati enim fuerunt sacerdotes in cena: vt inferius ostendetur.

¶ Item de consecra. distin. 4. Mulier. Mulier quamuis docta et sancta viros in conuentu docere et alios baptizare non presumat nisi necessitate cogente: ergo in casu necessitatis non ordinatus potest baptizare.

Respondeo quod quia baptismus est sacramentum necessitatis ad salutem: potestas conferendi vtrumm baptismum concessa est cuilibet homini in casu necessitatis: sicut in tali casu licitum est baptismum celebrare in aqua non sanctificata. Casu tamen necessitatis excepto non debet baptizare nisi sacerdos: nec nisi in aqua sanctificata: si tamen tunc non ordinatus baptizaret siue in aqua sanctificata: siue non sanctificata: verum baptismum conferret: sed mortaliter peccaret: ordo enim ministri et sanctificatio aque: alia ab illa qua in actu baptizandi sanctificatur per inuocationem trinitatis non requirutur de necessitate ad essentiam baptismi: nec ad hoc vt ille qui baptizatur recipiat efficaciam sacramenti.

Ad primum argumentum dicendum: quod illa auctori tas intelligitur excepto casu necessitatis: vt patet per litteram ibidem.

¶ Ad 2m dicendum: quod non est simile: quia sacramentum penitentie non est tante necessita. tis sicut baptismus: potest enim adultus saluari per virtutem poenitentie sine sacramento penitentie: si non possit talem inuenire quod sacramentum penitentie sibi ministrare possit et velit.

¶ Ad 3m dicendum: quod maior intelligenda est de introductione in ecclesiam ex officio: ad alios tamen potest pertinere ex permissione in casu necessitatis.

¶ Argumenta ad partem aliam nihil plus concludunt: nisi quod non ordinatus potest baptizare sine peccato in articulo necessitatis: et hoc est verum etiam in aquasanctificata si alia haberi non possit: alias non.

Quaestio II.

SEcundo quaeritur vtrum non baptizati possint baptizare. Et videtur quod non: quia non ordinati non possunt alios ordinare: ergo a simili non baptizati non possunt alios baptizare.

¶ Item minus est sacramentum suscipere quam conferre: quia minus est pati quam agere: sed non baptizati non possunt suscipere alia sacramenta: vt superius visum est: ergo nullum sacramentum possunt conferre.

¶ Item sine naturali potentia nullus potest in actionem naturalem: ergo a simili sine supernaturali potentia: nullus potest in actionem super naturalem: sed vt superius visum est: character baptismalis est supernaturalis potentia: et iustificatio per baptisium est supernaturalis actio: ergo nilus sine charactere baptismali potest alium iustificare per baptismi administrationem.

Contra de conse di. 4. A quodam Reputantur baptiza ti a iudeo si baptizati fuerut in nomine sancte trinitatis.

¶ Item ecclesia reputat baptizatos illos qui baptizati sunt a paganis: vt habetur ea. di. capi. Romanus.

Respondeo quod siue baptizatus homo siue non baptizatus aliquem baptizet in forma ecclesie: et intendens facere quod facit ecclesia vere bapti3at: tamen conuenientius est quod baptizandus baptismtmum recipiat a baptizato quam a non baptizato: nec aliter potest fieri scienter sine peccato baptizandi si adultus est nisi articulus probabilis necessitatis per estimationem illius aliter fieri requirat.

Ad primum in oppositum dicendum: quod non est simile: quia facramentum ordinis maioris est dignitatis quam baptismus: nec est tante necessitatis: et ideo potestas ordinem conferendi non sic est concessa vel promissa quod buscunque hominibus sicut potestas conferendi baptisium.

¶ Ad 2m dicendum: quod sicut non baptizati non possunt suscipere alia sacramenta: ita non possunt alia sacramenta a baptismo. conferre.

¶ Ad 3m dicendum: quod character baptismalis est supernaturalis potentia ad alia sacramenta suscipienda. Et quo ad hoc est supernaturalis potentia passiua. Et ego bene concedo quod sine illo nullum aliud sacramentum suscipi potest: tamen non est supernaturalis potentia ad sacramentum baptismi conferendum: et ideo sine illa aliquis sacramentum baptismi conferre potest.

¶ Questio. III.

TEertio queritur vtrum idem homo possit seipsum baptizare. Respondeo quod non. Unde sicut dicitur ex. de baptismo: et eius effec. Debitum: inter baptizantem et baptizatum debet esse discretio: sicut ex verbis domini colligitur dicentis apostolis. Item baptizate omnes gentes in nomine patris et filii et spiritus sancti. Unde ibidem dicit quod iudeus qui seipsum baptizauerat est ab alio baptizandus: vt ostendatur quod alius est qui baptiztur: et alius est est qui baptizat: ad quod designandum ipse christus non a seipso: sed a Ioanne voluit baptizari: et in. Sicut in carnali generatione qua proles ex viro et femina. nascitur: alius est qui carnaliter gignit: et alius qui carnaliter gignitur sic in sacramentali generatione qua soboles ex aqua et spiritus sancto renascitur: alius esse qui generat: et alius qui spiritualiter generatur.

¶ Questio IIII

QUuarto queritur vtrum bonus angelus possit baptizare.

¶ Respondeo quod de cilice communi non conuenit angelo baptizandi potestas: sicut ostensum est 2o questione articuli precedentis: quia tamen bonus angelus nunquam baptizaret nisi ex speciali mandato domini: ideo si certum esset quod bonus angelus aliquem baptizasset ille non esset baptizadus. Unde Basilica quam dedicauit sanctus. Michael in monte gargano non fuit postea ab homine dedicata.