Circa litteram

CIrca litteram Obseruante cerimoniales: he sunt quaedam facta que secundum se non habent rationem manifestam vtilitatis et obseruantie sacramentorum legalium hac de causa cerimoniales dicte sunt: et potest hoc vocabulum dici a charis quod est gratia et me ne quod est defectus: quasi defectum habentes gratie: eo quod eam non conferebant: Uel a ceris: idest luminaribus que adhibebantur in solenitatibus iudeorum. Inquinationem quamscilice mundat: huius irregularitates introducte erant ad reuerentiam templi. Sine medio deum videbat: sine medio scilicet enigmatico: loquendo de enigmate quod exa peccato causatum est: non tamen de scilicet communi videbat sine medio speculi creature. Duo sunt in quibus consistit sacramentum scilicet res et verba: sub verbis comprehendi debet intentio proferentis. Pactum meum irritum fecit: scilicet in paradiso terrestri in Adam. Uel vult dicere quod pactum de circuncisione non est obseruandum in non circuncisio. Ingruente necessitate mortis: ante 8m diem circuncidebant: et quod hoc verum sit videtur hugo primo. libro de sacramentis parte 12 capi. 2o. Si qui sub lege tempore suo sacramentum circuncisionis non percepissent ad salutem: tamen remedium eis operatum est: si illud postmodum suscipiendo priorem negligentiam correxerunt: ergo pari ratione efficaciam suam poterat habere ante diem. 8m idest casu necessitatis.

¶ Sed contra Hugo eo. capi. dicit quod illi qui ante 8 diem decesserant saluabantur in fide parentum: quia ante octauum diem non debebant circuncidi.

¶ Ad concordiam istorum videtur mihi dicendum: quod siante octauum diem circuncidebant ingruente necessitate mortis quod circuncisio suum habebat effectum: tamen siipsum non circuncidebant timentes ne circuncidendo mortem accelerarent pueri saluabantur in fide parentum. Unde de non est consentiendum magistro in hoc quod dicit: huius di. capi. vltimo quod tales peribant sicut paruuli qui modo moriuntur ante baptismum: noluit enim deus puerum obligari ad circuncisionem ante octauum diem propter nimiam teneritudinem corporis eius: non est tamen fimile de preueniendo et de supplendo quod neglectum est. Qui cunque enim transgressus est preceptum reuerti debet ad illud implendum quam citius potest.

Si autem queritur quare non circuncidebantur mulieres. Respondet Hug. eodem capi. dicens: quod sacra scriptura per masculinum sexum animam: per muliebrem vero carnem significare solet: vt ostenderetur quod illa exterior circuncisio animabus sanctificationem contulit: sed carni non abstulit corruptionem

¶ Alia etiam ratio est: quia mulieris membrum generatiue deseruiens non est aptum circuncisioni sicut virile membrum Preterea corruptio nature per quam peccatum originale contrahitur principalius fuit a viro quam a muliere: vt enim habtum est libro 2. si Adam non peccasset etiam postquam Eua peccauerat proles eius peccatum originale non contraxisset. Plura alia quae aliqui exponunt super litteram inuenies in quaestionibus exposita.