Circa litteram

CIrca litteram. Heresis vtrumque non habet id est sacerdotes heretici non habent ius exequendi vsum potestatis clauium: quamuis cum fiunt heretici ipsam potestatem secundum id quod est non amittant. Nullius potestatis iura exercet: hoc intelligitur de potestate per modum actoris: non per modum ministerii vel instrumenti. Non nisi per se vel per sanctos: hoc intelligendum est de collatione idonea: ad quam concurrit meritum ministri. Uolens dicere quod conuenientius est sacramenta gratie administrari per bonos quam per malos. Post actum peccati ita polluta remanet anima: sicut fuit in ipso actu peccati: hoc quod dicitur: ita non est nota equalitatis: peius enim est cum habitu peccati habe re actum quam habitum tantum: sed est nota similitudinis: quia vt dicitur in littera: etiam post actum peccati anima longe est a deo per dissimilitudinem que inest anime ex peccato: que dissimilitudo macula anime potest dici.