Capitulum 3

Praeterea est unum nomen, quod de nulla persona singillatim dicitur, sed de omnibus simul, id est Trinitas, quod non dicitur secundum substantiam, sed quasi collectivum pluralitatem designat personarum.

Sunt etiam quaedam nomina, quae ex tempore Deo conveniunt nec relative dicuntur, ut: incarnatus, humanatus et huiusmodi.

Ecce sex nominum differentias assignavimus, quibus utimur loquentes de Deo, de quibus singulis agendum est.