Capitulum 1

In superioribus insinuatum est — licet ex parte, non enim perfecte sufficimus —— qualiter primus homo deliquerit, et quam pro peccato poenam subierit; quibus adiiciendum est, peccatum simul ac poenam per eum transisse in posteros, sicut Apostolus ostendit inquiens: "Sicut per unum hominem peccatum in hunc mundum intravit, ita et in omnes homines mors pertransiit".