Capitulum 3

Quibusdam placuit de peccato actuali Adae illud accipere, asserentibus, hoc Apostolum sensisse, cum inferius ait: "Sicut per inobedientiam. unius hominis peccatores constituti sunt multi, ita," etc. Evidenter, inquiunt, etiam ipso nomine exprimit Apostolus peccatum, quod per unum hominem intravit in mundum, scilicet inobedientiam; inobedientia vero peccatum actuale est.