Si autem quaeritur, quid sit quod hic vocatur ordo, sane dici
potest, signaculum quoddam esse, id est sacrum quiddam, quo spiritualis potestas traditur
ordinato et officium. Character igitur spiritualis, ubi fit promotio potestatis, ordo vel
gradus vocatur.
Et dicuntur hi ordines Sacramenta, quia in eorum perceptione
res sacra, id est gratia, confertur, quam figurant ea quae ibi geruntur.
