Capitulum 1

De parentalium graduum famosa quaestione aliquid, licet minus sufficienter, diximus. lam de spirituali cognatione addamus, quae etiam personas impedit, ut non sint legitimae ad ineundas nuptias.

"Tria quaedam sunt: consanguinitas, affinitas et spiritualis germanitas. Consanguinitas est inter eos qui iunguntur secundum lineam generis. Affinitas inter eos qui genere quidem non sunt coniuncti, sed mediante genere sunt sociali: verbi gratia, uxor filii fratris mei, quae non est de genere meo, per ipsum qui est de genere meo, affinis mihi facta est, et ego illi". "Spiritualis proximitas est inter compatrem et commatrem, et inter eos quorum unus alterum de sacro fonte levavit, vel in catechizatione autconfirmatione tenuit. Est etiam inter filios eiusdem hominis carnales et spirituales".