Homicidium

"Qui sine aliqua publica administratione malificum interfecerit, uelut homicida iudicabitur, et tanto amplius, quanto sibi potestatem a Deo non concessam usurpare non timuit" Augustinus libro I. de ciuitate Dei.

"Homicida dicitur dyabolus, non gladio armatus, non ferro accinctus; ad hominem uenit, uerbum seminauit et occidit. Noli ergo putare te non esse homicidam, quando fratri tuo mala persuades" Augustinus super Iohannem.

"Tot occidimus, quot ad mortem ire cotidie tepidi et tacentes uidemus" Gregorius super Ezechielem.

"Qui bonum odit in homine, nunquid homicida poterit appellari? Adhuc uiuit homo, et ille iam reus est mortis eius" Bernardus in sermone quodam.

"Nec interest quis occidat, si innocentem aliquis occidendum esse pronunciet" Cassiodorus super Psalmum LXII.

(abest)