Canon 58

58. Quod nonnullis est religiosis indultum, in fauorem pontificalis officii ad episcopos extendentes, concedimus ut cum commune terre fuerit interdictum, excommunicatis et interdictis exclusis, possint quandoque clausis ianuis et suppressa uoce, non pulsatis campanis, celebrare diuina, nisi hoc ipsum eis expresse fuerit interdictum. Verum hoc illis concedimus qui causam aliquam non prestiterint interdicto, nec quicquam fraudis ingesserint, tale compendium ad iniquum dispendium distrahentes.