Canon 59

59. Quod quibusdam religiosis a sede apostolica est prohibitum, uolumus et mandamus ad uniuersos extendi, ne quis uidelicet absque abbatis et maioris partis capituli sui licentia pro aliquo fideiubeat uel ab aliquo pecuniam mutuo accipiat, ultra summam communi prouidentia constitutam. Alioquin non teneatur conuentus pro hiis aliquatenus respon- dere, nisi forte m utilitatem domus ipsius manifeste constiterit redundasse; et qui contra statutum istud uenire presumpserit, grauiori discipline subdatur.