Praeambulum

SECVNDA PARS.

"Proponamus ergo", &c. Postquam Magister modum, quo procedendum est, inquisiuit, hic iuxta illum modum procedit, & circa hoc duo sa cit, iuxta modum duplicem proce dendi, quem docuit, primum quidem ex testimo nijs Scripturarum. Secundo vero, ex manuductionibus rationum, secundum facit dist. tertia Aposolus namque ait. circa primum duo facit.

Primo quidem auctoritates inducit, praecisae probantes Diuinae essentiae vnitatem.

Secundo auctoritates inducit, similiter probantes vnitatem essentiae, & personarum pluralitatem. secunda, ibi: Personarum quoque pluralitatem. Inducit inquam primo quatuor auctoritates, quibus probatur Diuina vnitas.

Prima sumitur ex Deuteronomio, vbi dicitur, Audi Israel Dominus Deus tuus vnus est.

Secunda Exodi, vbi dicitur, Ego sum Dominus Deus tuus, non erunt tibi alij dij praeter me.

Tertia Exodi, vbi arguit Dominus: Ego sum, qui sum, & qui est misit me ad vos. non enim dixit, Qui sumus, vel qui sunt in plurali.

Quarta sumitur Exodi, vbi dicitur: Dominus omnipotens nomen est illi. haec est sententia.