I, P. 1, Inq. 1, Tract. 5, Sect. 2, Q. 4, T. 4, M. 2, Praeambulum

Consequenter quaeritur de dilectione Dei quae specialis est respectu rationalis creaturae. Et circa hoc quaeruntur quatuor: Primo, utrum Deus plus diligat angelos quam homines, vel e converso; secundo, utrum inter homines plus diligat praescitum qui nunc iustus est, quam praedestinatum qui nunc peccator est; tertio, utrum inter praedestinatos plus diligat eum qui nunquam cecidit, scilicet iustum, aut eum qui cecidit et surrexit ; quarto, utrum necesse sit de congruo quod Deus plus diligat diligentem se vel non.