I, P. 1, Inq. 1, Tract. 5, Sect. 2, Q. 4, T. 5, Praeambulum

Post quaestionem de praedestinatione, electione, dilectione divina, quaerendum est de libro vitae, in quo scribuntur praedestinati, electi et dilecti ab aeterno. Nam sicut dilectio est omnium futurorum bonorum, praedestinatio salvandorum et electio eorumdem in quantum separantur a malis, ita liber vitae est ipsorum remunerandorum. Quaeritur ergo in hunc modum: Primo, quid sit liber vitae; secundo, quid dicatur liber vitae; tertio, quorum sit liber vitae. quarto, quomodo se habet liber vitae.