I, P. 1, Inq. 2, Tract. 1, Q. 3, Praeambulum

Consequenter quaeritur de numero personarum in Trinitate. Circa quod primo quaeritur an sit ponere numerum in divinis personis; secundo, an sit numerus in Trinitate sive in divino esse secundum modum quo ponimus in creaturis ; tertio, an sit ibi numerus alio modo, supposito quod sit ibi ille numerus; quarto, quid numeratur ibi, an scilicet sit ibi numerus rerum vel rationum; et si rerum, an hypostasum vel relationum solum; quinto, unde sit ibi ratio numeri; sexto, an sit ibi numerus finitus vel infinitus; septimo, an possit ille numerus esse in paucioribus quam sit vel in pluribus.