I, P. 2, Inq. 2, Tract. 1, Q. 5, Praeambulum

Restat, opitulante divina gratia, inquirere de nominibus esssentialibus, quae sunt nomina habitudinis sive respectiva, quae est quinta differentia secundum Damascenum.

Horum omnium est differentia: nam quaedam sunt quae dicunt sive connotant respectum personae ad personam, ut aequalitas, similitudo ; quaedam vero respectum ad creaturam, ut Dominus, Creator. Item, connotantium respectum ad creaturam quaedam connotant respectum tantum, ut Dominus ; quaedam respectum et effectum, ut Creator et misericors.