I, P. 2, Inq. 2, Tract. 3, Sect. 2, Q. 2, Tit. 3, Praeambulum

Consequenter, adiuvante gratia Iesu. Christi, transeundum est ad missionem passive dictam. Et cum duplex sit missio, scilicet invisibilis, qua mittitur Filius vel Spiritus Sanctus in mentem ad illuminandum vel sanctificandum creaturam, et visibilis, qua missus est Filius in carne et Spiritus Sanctus sub aliqua visibili specie, ut in columba super Christum et in linguis igneis super Apostolos, quae dicitur apparitio: Primo, dicendum est de missione qua mittitur Filius vel Spiritus Sanctus in mentem sive in corda fidelium; secundo de missione, qua visibiliter apparuit Filius in carne et Spiritus Sanctus in aliqua corporali specie, scilicet de apparitione.