I, T. Intro., Q. 1, Praeambulum

Quoniam, sicut dicit Boethius, in libro De Trinitate, "optime dictum videtur: eruditi est hominis unumquodque, ut ipsum est, ita de eo fidem capere tentare" — unde "in naturalibus rationabiliter, in mathematicis disciplinaliter, in divinis intellectualiter versari oportebit", - theologicae facultatis inquisitionibus intendentes, cum adiutorio gratiae Iesu Christi tale principium capimus, inquirentes in primis de doctrina Theologiae: 1. utrum sit scientia; 2. utrum distinguatur ab aliis scientiis: 3. de quo sit ista scientia; 4. de modo traditionis huius scientiae.