IIa-IIae, Inq. 3, Tract. 1, S. 1, Q. 2, M. 1, C. 10

Decimo quaeritur utrum poena infligatur a Deo primis motibus.

Quod videtur. 1. Nullum enim peccatum est primus motus est peccatum; ergo non est impunitus.

Contra. a. Hieronymus, Super Ezechiel: "Deus primoset secundosstimulos cogitationum, quos Graeci προπαθείαςvocant, et sine quibusnullus hominum esse potest, non punit". Sed ii sunt primi motus; ergo Deus non unit pro primis motibus.

b. Item, quando Cham peccavi t videns nuditatem patris, non ipse, sed filius eius recepit sententiam maledicti ; sed per Cham significatur primus motus, per Chanaan delectatio in inferiori parte rationis ; ergo Deus non punit primos motus, sed delectationes sequentes ex illis.

[Solutio]: Ad quod dicendum quod primus motus est peccatum et punitur temporaliter, sed non aeternaliter, quantum est de se; et ideo dicitur quod Deus non punit. Ipsi etiam primi motus in se sunt poenae, secundum quod dicit Augustinus quod omnis motus inordinatus est poena.