IIa-IIae, Inq. 3, Tract. 3, S. 1, Q. 2, T. 1, D. 2, M. 1, Praeambulum

Dicendum est ergo primo de usurpatione iudicii divini, quod dicitur iudicium hominis usurpatum. Primo ergo quaerendum est utrum solius Dei sit iudicare de occultis; secundo, si homo potest iudicare de occultis cordis sui; tertio, si non de occultis aliorum, sed de manifestis, utrum de omnibus manifestis potest fieri omnino iudicium; quarto, si non de dubiis possumus iudicare, utrum in partem utramque indifferenter sit interpretandum an tantum in meliorem partem vel aliquando in deteriorem.