III, P. 1, Inq. 1, T. 1, Q. 3, Praeambulum

Habito de necessitate incarnationis et convenientia, consequens est inquirere de praedestinatione incarnationis. Circa quam partem quaerenda sunt ista: Primo, utrum Filius Dei sit praedestinatus ; secundo, utrum praedestinatus sit esse homo ; tertio, utrum sit praedestinatus esse Filius Dei ; quarto, ad quid sit praedestinatus ; quinto, utrum per ipsum simus praedestinati ; sexto, utrum univoce dicatur praedestinatio de ipso et de nobis.