III, P. 2, Inq. 3, T. 1, Praeambulum

Consequens est, adiuvante Dei gratia, inquirere de lege Moysi. Et primo, generaliter quantum ad Legis conditiones; secundo, in speciali, quantum ad Legis praecepta et sanctiones. Circa conditiones autem legis mosaicae inquirenda sunt haec: Primo, de latione Legis; secundo, de continentia Legis; tertio, de impletione per Christum; quarto, de onere observantiae legalis; quinto, de iustificatione Legis.