III, P. 3, Inq. 1, T. 1, Q. 5, Praeambulum

Consequenter quaerendum est de causa gratiae. De causa autem efficienti non est dubitatio per praedicta, quoniam illa est Deus; sed quae sit causa meritoria ex parte nostra vel necessaria ex parte Dei investigandum est. Quaeritur ergo: Primo, generaliter, an sit gratiae causa meritoria ex parte nostra; secundo, specialiter de prima gratia, an cadat sub merito; tertio, an facienti quod in se est necessario detur gratia a Deo; quarto, an non facienti quod in se est detur.