III, P. 3, Inq. 2, T. 1, Praeambulum

Et quantum ad primam inquisitionem erit iste modus: Primo quaeretur an fides sit necessaria ad salutem; secundo, supposito quod sic, utrum habeatur per suasionem; tertio, an fides virtus sit; quarto, supposito quod sic, an sit virtus generalis vel specialis: et haec quaeruntur ad sciendum quid sit fides secundum rem; quinto quaeritur quid sit fides secundum definitionem; sexto, de actu fidei; septimo, de subiecto fidei; octavo, de obiecto fidei; nono, de comparatione fidei ad ceteras virtutes.