Titulus 7

Quando agitur de beneficio ecclesiastico, ob contumaciam rei non fit missio

in possessionem, sed ad sententiam lite non contestata proceditur.

Innocentius IV .

Eum, qui super dignitate, personatu vel beneficio ecclesiastico obtinendis cum aliquo litigat possessore, ob partis adversae contumaciam causae rei servandae in ipsorum possessionem statuimus non mittendum, ne per hoc ad ea ingressus patere valeat vitiosus; sed liceat in hoc casu, contumacis absentiam divina replente praesentia, etiam lite non contestata, diligenter examinato negotio, ipsum fine debito terminare.