Quaestio 10
Quaestio 10
quod deus inter omnia connumerandus sit hoc est unum aliquid ex omnibus et non
paulus in epistola prima ad corinthios: "omnia enim subiecit sub pedibus eius Cum autem dicat omnia subiecta sunt ea; sine dubio praeter eum qui subiecit ei omnia":
ambrosius de incarnatione dominica: "caueamus ne et nostrum alicui dicatur: si recte offeras: recte autem non diuidas: peccasti, quiesce; hoc si nesciamus quae propria diuinitatis incarnationisque distinguere, si creatorem cum suis operibus conferamus si auctorem temporum dicamus coepisse post tempora: neque enim potest fieri ut per quam sunt omnia sit unus ex omnibus nolo nobis credatur scripture recitetur non ego dico a me quod in principio erat verbum sed audio: non ego affingo, sed lego, quod omnes legimus sed non omnes intelligimus: et cum legitur audimus omnes. In principio erat verbum: hoc est remaneat caelum denique in principio fecit deus caelum et terram: aliud est fecit, aliud erat: quod sic incipit quod erat principium non accepit sed praeuenit: Remaneant et tempora quia post caelum tempora. Remaneant etiam angeli: et si principium eorum non inuenio: erat tamen quando non erant: si ergo principium eorum noninuenire nonpossum quos certum est habere principium: quomodo possum inuenire verbi principium a quo omne principium non solum creaturarum sed etiam cogitationum nostrarum":
Item: "quod si non seruit spiritus omnia autem seruiunt: super omnia est spiritus, quia non servit sicut omnia: Servire autem omnia liquet, sicut scriptum est: uniuersa serviunt tibi. Dixit os spiritus per prophetam: ergo cum uniuersa serviant si non servit spiritus utique inter uniuersa spiritus sanctus non est:"
Item: "omnia per filium scriptura dicit esse quae facta sunt: Cum autemnon doceatur spiritus sanctus utique nec inter omnia probari potest Item scriptum est: nobis autem unus deus pater ex quo omnia et nos per ipsum: et dominus iesus christus per quem omnia et per ipsum: Cum dicit Iesus per quem omnia ab omnibus utiqueutique excepit dei filium, qui excepit et patrem itaque qui putant spiritum inter omnia debere numerari quia omnia legunt facta per filium: etiam filium inter omnia adnumerandum putent, quia legunt ex deo omnia":
On this page
