Quaestio 13

quod deus pater sit causa filii et contra

Augustinus libro primo super genesim contra calumnias manichaeorum: qui dicit quare deus fecit caelum et terram? respondendum est illi quia voluit: voluntas enim dei causae est caeli et terrae et ideo maior quam caelum et terra: qui autem dicit quare voluit maius aliquid quaerit quam est voluntas dei nihil autem maius inueniri potest

Idem in libro quaestionum lxxxiii cap. xxx: "qui quaerit quare deus voluit mundum facere? causam quaerit voluntatis dei: sed omnis causa efficiens est: omne autem efficiens maius est quam quod efficitur: nihil autem maius qua voluntate dei non ergo eius causa quaerenda est"

Idem in vii confessionum loquens ad deum: "nec cogeris inuitus ad aliquid quia voluntas tua non est maior quam potentia; Esset autem maior si te ipso tu ipse m a ioresses."

Item: "voluntas et potentia dei deus ipse est".

In libro quaestionum lxxxiii cap. xvii de filio dei disserens ait: "Deus omnium qua sunt causa est, quod autem omnium causa est: et sapientiae suae causa est nec unquam deus sine sapientia sua fuit finisigitur sempiternae sapientiae causa est sempiterna nec tempore prior est quam sua sapientia".