Caput 67

CAPUT LXVII. In quo de immutatione superstitum quos ultimus. ille dies deprehendet.

MMUTATIO superstitum quos ultimus ille dies deprehendet in hac vita, est opus Dei, quo illi qui in adventu Domini ad judicium universale adhuc vivi in terris reliqui erunt, momento & jactu oculi, ad ultimam tubam mutabuntur, ut renoventur & deposita corruptione & mortalitate consequantur incorruptibilitatem & immutabilitatem. 1. Cor. 15. v. 51, 52, 53. Ecce, mysterium vobis dico, Non omnes quidem obdormiemus: sed omnes mutabimur, momento & jactu oculi, ad ultimam tubam. Canet enim tuba, & mortui excitabuntus incorrupti, & nos mutabimur. Oportet enim corruptibile istud induere incorruptibilitatem, & mortale istud induere immortalitatem.