Circa textum

DISTINCTIO XI Facilis huius distinctionis diuisio, in qua inquiritur, An homo ille semper fuerit, vel quando que caoeperit esse

POST PREDICTA &c. Haec est distinctio 12. in qua Magister inquirit, vtrum homo Christus habuit esse inceptum vel inchoatum. Et diuiditur in duas partes: quia primo quaerit de iam dicto defectu mensurae, qui vniuersaliter competit omni creaturae. Secundo de quibusdam particularibus defectibus hominibus competentibus distincte ex parte coporis, & animae ibi, ldeo non immerito. Prima in duas: quia primo mouet quaestionem principalem, puta, vtrum homo, qui est Christus, esse inceperit. Secundo adiungi quaestionem incidentalem, puta, vtrum aliunde hominem quam de genere Adae Deus assumere potuerit ibi, Solet etiam quaeri. Sequitur illa pars, ldeo non immerito. In qua Magister &c. Et diuiditur in duas partes; nam primo, inquirit de defectu contingente circa potentiam spiritualem. Secundo, de defectu accidente circa potentiam corporalem puta, circa virtutem generatiuam: quia raro, vel numquam generatur femella, nisi sit defectus in generatiua potentia non potente sufficienter subiicere inobedientem generationis materiam. Secunda ibi, Solet etiam requiri Prima in tres: quia primo de potentia peccandi mouet questionem. Secundo ad motam quaestionem respondeti Et tertio quorundam obiectionem remouet. Secunda ibi, Hic distinctione opus est. Tertia ibi; Quidam tamen probare. Hic quaero.