Articulus 11

ARTICULUS XI. Utrum illa sit vera, Filius habet potentiam generandi quam habet Pater?

Deinde quaeritur de illa quam in secundo capite ponit: et distinguit eam, hance scilicet, Filius habet potentiam generandi quam habet Pater, etc.

Haec enim videtur distinguibilis non esse, sed absolute falsa: quia in nullo videtur potentia conjuncta actui, et ralioni opposite ad actum illum : cum autem dicitur, potentia generandi, po- tentia conjuncta est actui: et cum dicitur, Filius habet hane potentiam quam Pater, conjungitur relationi Filii et proprietati, quae repugnat ad actum: ergo videtur absolute falsa esse.

Solutio. Dicendum, quod in veritate duplex est, sicut dicit Auctor : cum enim dicitur, Filius habet, per ly habet intelligitur haec determinatio secundum naturam, eo quod non habet nisi per naturam: et sic fit comparatio potentie ad naturam et ad actum: et secundum primam comparationem vera est, secundum autem secundam falsa est, ut dicit Magister.