Divisio Textus

DIVISIO TEXTUS.

"Nunc de veritate sive proprietate et incommutabilitate, etc." Hic incipit tertia pars illius tractatus de generatione Filii. Cum enim in omni generatione sit essentia aliquo modo conjuncta genito a generante. posset credi esse divisa per communicationem eterne generationis : et tunc non esset etc. incommutabilis, nec simplex : et ideo inducitur hic de istis, ut sclamus non esse divisam, et tamen communicatam in generante et genito. Dividitur autem ista distinctio in tres partes, in quarum prima agit de veritate et proprietate essentie divine. In secunda autem agit de incommutabilitate ejusdem, ibi, C, "Dei autem solius essentia, etc." In tertia, agit de simplicitate ejusdem ibi, D, Eadem quoque sola proprie ac vere,

Prima harum dividitur in duas partes. In prima veritatem divine essentiae determinat. In secunda autem objicit et solvit, bi, B, "Hic diligenter advertenduit est, etc."