Articulus 28

ARTICULUS XXVIII. An bene sequitur, Divina essentia est simplex : ergo incommutabilis ?

Deinde quaeritur de hoc quod dicit: "Nihil enim simplex mutabile est, etc."

Ista est jam tertia ratio simplicitatis que extrahitur de Litfera. Prima enim fuit penes indifferentiam ejus quod est et esse, eo quod nulla pars est ibi. Secunda autem, quod non erat subjectum accidentium. Tertia vero est ista : quia incommutabilis est divina essentia : et hoc probatur sic :

Omne quod mutatur, aut mutatur secundum totum in situ, aut ad formam. Si mutatur in situ vel in loco, ipsum est compositum ex motore et mobili, ut supra‘ notatum est. Si autem mutatur ad formam, ipsum erit subjectum illius forme, et sic iterum compositum. Ergo patet, quod simplex omnino non potest mutari. Quod ergo sic incommutabile est omnino, dicitur etiam et simplex.

Praeterea, Quod mutatur, per privationem mutatur quae estin ipso : sed privatio non est nisi in composito ex habente privationem et privatione sive potentia : ergo quod est omnino incommutabile, erit omnino simplex : et haecest intentio Augustini.