Divisio Textus

DIVISIO TEXTUS. "Nunc ostendere restat, quomodo aliqua personarum, etc."

In hac distinctione Magister ostendit aequalitatem trium personarum in potentia divina quae substantialis est. Et dividitur in tres partes : in quarum prima continente duo capitula, scilicet A et B, per auctoritates ostendit sequales esse personas.

In secunda continente quatuor capitula contra hereticum ostendit quatuor modis Filium zqualem Patri. Et prima probatio est de ratione generationis ; quia generans et genitus sunt aequales per potentiam nature. Secunda est in secundo capitulo, scilicet D, per auctoritatem Joannis, xvi, 15: Omnia quecumque habet Pater, mea sunt. Tertia est in tertio, scilicet KE, per rationem, quod aliter impotens aut invidus fuisset. Quarta est in quarto, scilicet F, per similitudinem humanam.

In tertia parte respondet objectis haretici in ultima parte distinctionis istius, ibi, G, "Sed forte dicis, eo ipso, etc."