Articulus 7

ARTICULUS VII. Quid sit distingui in divinis ?

Deinde quaeritur de hoc quod dicit, ibi, G, "Cum autem dicimus, distincte sunt persone, etc."

Hic enim incipit pars secunda distinctionis, in qua tangit quid significent dictiones notionales, distinctus, discretus, trinitas. Et penes ista tria per ordinem sunt hic tria capitula : et hac omnia pla- na sunt, si intelligatur quid est distingui et discerni.

Distinctio igitur in divinis est actus notionem consequens, in quantum est proprietas personalis : sic enim distinguitur una persona ab alia. Discretio autem est idem secundum ordinem et numerum personarum, qui est in divinis : discreta enim numerabilia sunt. Sed con/usio est compositio eorum quae numerantur ad invicem, inordinata : et in divinis dicit acceptionem ejusdem sub diversis nominibus, ut dicebat Sabellius. Alenatio autem dicit scissuram per remotionem unius ab alio, ut dicebat Arius.