Articulus 5

ARTICULUS V. An Filius sit sapiens sapientia ingenita ?

Deinde queritur de hoc quod dicit : "Post haec queri solet a quibusdam, etc."

Videlur enim, quod etiam Filius sit sapiens sapientia ingenita :

1, Est enim sapiens sapientia essentiali: et sapientia essentialis est sapientia ingenita : ergo est sapiens sapientia ingenita.

2. Item, Filius est essentia ingenita : et esse est sapere : ergo est sapiens sapientia ingenita.

SED CONTRA ! Hilarius dicit : "Nihil nisi natum habet Filius : et geniti honoris admiratio in honore generantis est :" ergo non habet sapientiam ingenitam.

Item, Ingenita est proprietas Patris : ergo non convenit Filio.

Solutio. Dicendum, quod licet ingenitum multis modis dicatur : et uno modo conveniat essentiae, et essentialibus : tamen in usu Sanctorum accipitur pro proprietate Patris : et ideo supra habuimus, quod non convenit Spiritui sancto, nec etiam essentia : et ideo non est concedendum, quod Filius sit sapiens sapientia ingenita. Sicut enim supra habi-s tum est, sapientia licet nomen essentiale ’ sit, tamen potest supponere personam ex adjuncto sibi notionaliter : et ideo sapientia ingenita est Pater, et sapientia genita est Filius.

As primum ergo dicendum, quod sapientia perse est essentialis : sed cum adjuncto est essentiale tractum ad supponendum pro persona.

Ad aliud patet solutio eodem modo dicendo ibi.