Articulus 12

ARTICULUS XII. An sit idem dicere, ex ipso, et de ipso ?

Deinde queritur de hoc quod dicit, ibi, F, "Non hoc significat penitus ex ipso, quod de ipso, etc."

Dubitari enim potest unde hoc contingat, cum ex et de videantur notare habitudinem cause semper ?

Soxurro. Dicendum, quod haec prepositio ex generalior est in significando originem, quam prepositio de: ex enim notat quandoque originem et non coessentialitatem, ut dicimus, pacem habemus ex rege : quandoque notat in eadem substantia ordinem, ut cum dicitur, ex mane fit meridies: idem enim nunc quod fuit substantialiter mane, fit meridies, licet transeat in ratione mane, et maneat in ratione nunc et substantia: quandoque notat ordinem tantum, ut cum dicitur, ex agonibus fit Olympia, id est, post illud. De autem semper notat originem cum consubstantialitate : et haec est causa dicti.