Articulus 9

ARTICULUS IX. Utrum inesse per gratiam sit inesse simpliciter, vel secundum quid tantum?

Deinde queritur de hoc quod dicit, ibi, "In Sanctis vero habitat, in quibus est per gratiam."

1. Videtur enim ex hoc quod simpliciter inesse, dicitur inesse per gratiam : et essentialiter inesse, dicitur secundum quid inesse Deum : est enim aliquem inhabitare, ubi manet simpliciter : non habitare autem, ubi non manet, nisi secundum quid.

2. Item, Ubi aliquis inhabitat, aliquis ibi manet : ergo videtur, quod si non habitat, quod transit : et sic Deus trans-— iret de his in quibus est communiter per essentiam, presentiam, et potenliam.

3. Sed contra: Esse rei et bene esse, sunt ut simpliciter et secundum quid : cum igitur per hoc quod inest Deus essentialiter, praesentialiter, potentialiter, dat esse : per hoc autem quod inest per gratiam, dat bene esse, videtur quod inesse essentialiter, preesentialiter, potentialiter, sit imesse simpliciter : inesse autem per gratiam, sit inesse secundum quid tantum.

Soxutio. Dicendum, quod inesse per gratiam, dicit simpliciter, et nobiliter inesse.

Ad primum autem dicendum, quod inesse per gratiam supponit inesse communiter : et est perfectio respectu ipsius ex parte creature perficiende, licet non ex parte Dei perficientis.

Ad aliud dicendum, quod habitatio illa quae importatur per gratiam non opponitur transitivi, sed dicitur a quiete voluntatis effective : quia scilicet facit voluntatem Sanctorum per gratiam in se manere et quiescere : et hoc non facit inesse communi modo.

Ad aliud dicendum, quod licet inesse communi modo det esse, tamen non dat esse nisi naturale : et hoc non est com— pletivum optima completione : et ideo melius est inesse per gratiam quam communi modo tantum : tamen non dico, quod in communi modo inesse, dicat inesse secundum quid : quia utrumque est inesse simpliciter, licet non aeque bonos connotent effectus.