An divina essentia omnino illocalis et
incireumscriptibilis est et immobilis ?
ARTICULUS XIX.
An divina essentia omnino illocalis et
incireumscriptibilis est et immobilis ?
Deinde queritur de hoc quod dicit,
ibi, I, § 2: "Divina ergo sola essentia
omnino illocalis et incircumscriptibilis
est, etc."
Hoc enim videtur falsum. Dicit enim
Augustinus ad Urosium, quod Deus
movet se sine loco et tempore.
Item, Dionysius, in libro de Divinis
nominibus, loquitur de processionibus
bono convenientibus, quibus movet se et
procedit Deus in omne quod est,
secundum uniuscujusque analogiam ad
bonitatem suam participandam ?.
Item, Habacuc, 1, 13: Egressus es in
salutem populi tui, Et hujusmodi sewpe
inveniuntur in sacra Scriptura, quod
egreditur in Sanctis, et ambulat in
Sanctis : et alia plura objecta de hoc inveniri
possunt supra ubi de incommutabilitate
est disputatum .
Solutio. Dicendum cum Boetio, quod
ipse stabilis manens dat cuncta moveri :
et ubique ubi legitur, quod movet se,
vel procedit, vel ambulat, referendum
est ad effectum, quia Sanctos facit
procedere in se, vel creaturas proficere,
vel ambulare : aut ad assumptam
creaturam.
