Articulus 10

ARTICULUS X. An praedestinatio potest esse sine prescientia ? et, Quare reprobatio potius dicitur praescientia, quam praedesti- natio ?

Deinde queritur de his quae dicuntur in Littera primi capituli, A, ubi dicit : "Quod sine praescientia esse non potest, etc."

Videtur enim hoc esse falsum : quia sunt species scientiae ex opposito divisxe, eo quod praescientia dicitur esse malorum, praedestinatio vero bonorum.

PRAETEREA quero, Quare nomen generis retinuit potius reprobatio, quam preedestinatio ?

Soxutio. Ad hoc dicendum, quod hic in Litfera praescientia sumitur ut genus ad praedestinationem, et praescientiam stricte acceptam : et sic verum est, quod predestinatio non est sine praescientia.

Ad aliud dicendum, quod reprobatio respectu iniquitatis preevise non dicit aliquid causalitatis vel effectus in Deo: sed preedestinatio addit, et ratio per differentiam additam contrahit genus : sed non reprobatio, et ideo retinet nomen generis.

Et si tu objicias, quod addit causalitatem ad poenam, dicendum quod poena preparatur non ita ex voluntate sicut gloria : sed preparatur per respectum ad opus nostrum, et Deus non vult eam nisi voluntate consequente.