Articulus 6

ARTICULUS VI. An voluntas divina sit communis vel propria, necessaria vel contingens omnium causa ?

Tertio queritur, Utrum sit causa propria vel communis, necessaria vel contingens ?

Videtur autem, quod communis quia 1. Communis est quam non sequitur esse causati : sed voluntatem Dei ab eterno non sequitur esse causati: ergo voluntas Dei est causa communis.

2. Item, Videtur quod sit contingens : quia dicit Augustinus : "Quod voluntate omnibus abyssis. fit, non fit ex necessitate : quod autem fit et non necessario, fit contingenter :" ergo quod voluntate fit, contingenter fit : ergo voluntas est causa contingens.

SED CONTRA 1. Communis causa est aliquo indigens ad hoc ut causet: voluntas Dei nullo indiget : ergo non est causa communis.

2. Item, Omnis causa communis est determinabilis per aliquid addibile sibi : voluntas Dei nujlo determinabilis est : ergo ut prius,

Item videtur, quod nec sit contingens. Omne contingens mutabile est : dicit enim Aristoteles : "Quod contingit esse, contingit non esse:" Deus autem et in potentia et scientia et voluntate omnino est immutabilis : ergo sua voluntas non est causa contingens.

Solutio. Ista questio supra notata est in questione, Utrum praedestinatio habeat causam ? Et sicut ibi dictum est, voluntas est causa determinata, et propria rerum omnium. Sed non sequitur, siistaest ab wterno, quod effectus sit ab aeterno : quia impeditur hoc ex parte ordinis sapientiae, et ex parte causati, de cujus ratione est, quod fluxit in esse post non esse: et per hoc patet solutio ad primum.

Ad aliud dicendum, quod ipsa non est causa contingens : sed contingentis et necessarii est ipsa causa necessaria : sed necessitas est multiplex, ut distinctum est supra? : et in Deo cadit bene necessitas simplex, quae est immutabilis, que nec sonat coactionem, nec obligatlonem.

Ad pictum autem Augustini dicendum, quod ipse loquitur de voluntate creature et non Creatoris.