Articulus 2

ARTICULUS II. Utrum minuittur Angelorum gloria quando ministrant et mittuntur ?

Secundo queritur, Utrum minuitur gloria eorum, quando ministrant ?

Videtur quod non : quia 1. Dicit Beda, quod intra Deum currunt, quocumgque mittantur : ergo non deflectuntur a contemplatione.

2. Item, Gregorius : "Angeli cum ad nos veniunt, contemplatione ab intimis numguam recedunt'."

SED CONTRA : 1. Dicit Aristoteles in libro de Somno et Vigilia, quod una potentia existente in actu, retrahitur alia : cum igitur contemplatio Verbi tantum in se trahit appetitum et voluntatem Angeli, videtur quod simul cum hoc non potest ministrare diligenter circa nos.

2. Item, Impossibile est idem simul moveri diversis motibus secundum idem : sed diversi motus sunt contemplari, et ministrare : ergo idem Angelus non potest simul illis moveri, ut videtur.

Sorutro. Dicendum, quod simul ministrat et contemplatur.

Ap primum ergo dicendum, quod verum est, quod unum opus non est ratio alterius et causa: sed ministerium causatur ex contemplatione : quia enim hoc in Verbo legunt esse voluntatem Dei, ideo feruntur ad ministerium. Et ministerii actus numquam incipit a parte nostra: a nobis enim non discunt in quibus ministrare debeant, sed potius a Verbo semper: et ideo a neutro retrahuntur.

Per hoc patet solutio ad sequens.