Articulus 12

ARTICULUS XII. An fides sit potius per visum, quam per auditum ?

Deinde quaeritur de hoc quod dicit, ibi, C, sub finem: "Nec ea quee prius creduntur quam intelligantur, penitus ignorantur, cum fides sit ex audite, etc."

Cum enim fides sit cogitatio quaedam : et cogitatio fit inventione et doctrina, potius videtur esse per visum, quam per auditum : quia

1. Visus deservit inventioni, et auditus doctrine : et inventio potior est quam doctrina.

2. Item, Visus nobilior est sensus, quam auditus, et plurium doctrinarum, et magis cerlilicans ea quae sunt omnis sensus : ergo videtur, quod potius debeat esse ex visu, quam ex auditu.

Solutio Dicendum, quod auditus semper accipit ab alio disciplinam : et quia fides est ab alio superiore lumine, et non a nostra inventione : ideo magis competit ei auditus, quam visus : et per hoc patet solutio ad primum.

Ad aliud dicendum, quod visus nobilior est, quando referuntur ad propria objecta : sed hic non est sic : sed potius dicitur auditus interior, qui est acceptio notitiae prime veritatis ab alio : et ideo illa objectio nihil facit ad propositum.