Articulus 3

ARTICULUS III. Quare tantum duo sunt modi manducandi praedicti, et penes quid differant ?

Tertio, Queritur de numero horum duorum. 7

Videtur enim, quod plures sunt quam duo.

1. In sacramento enim sunt tria, scilicet unum quod est sacramentum tantum, alterum quod est res et sacramentum, et tertium quod est res. tantum : ergo his+ribus videntur respondere tres modi manducandi: ergo sunt tres, et non duo.

2. Item, Indigne sumens est duobus modis, scilicet nec fidem habens nec charitatem : et habens fidem informem, sed non charitatem : ergo videtur, quod utrique respondet modus spiritualis : constat autem, quod non sumunt tales spiritualiter: ergo duo sunt modi sacramentales. :

3. Item, Istud dicitur sacramentum charitatis: ergo videtur, quod ad minus spiritualis modus debeat esse distinctus secundum status charitatis : sunt autem tres status charitatis, scilicet incipiens, proficiens, et perfectus: ergo spiritualis modus sumendi videtur debere distingui penes haec tria.

4. Item, In aliis sacramentis non distinguitur nisi duplex modus sumendi penes fictum, et non fictum: ergo nec in isto debet fieri distinctio nisi penes hoc, ut videtur’: ergo non debet distingui sic, sacramentaliter, et spiritualiter : sed quidam sumunt ficti, quidam non ficti.

Soxutio. Dicendum, quod duo sunt modi distincti a Sanctis, ut habetur in Littera, et sumuntur penes duplicem rem sacramenti, quarum unam continet ex vi consecrationis, et alteram in nobis causat ex eo quod confert gratiam sicut alia sacramenta nove legis : et ideo patet penes quid sumatur numerus horum - modorum.

Ad primuM ergo dicendum, quod penes id quod est sacramentum tantum, nullus sumitur modus : quia hic non habet rationem cibi, sed potius est in usu ostensionis et significationis cibi quem continet.

Ad aliud dicendum,{quod meo judicio, non habens fidem informem, nec sacra-. mentaliter, nec spiritualiter manducat, nisi in potentia : tamen de hoc erit questio infra. Et ideo cum nullo motu fidei a speciebus ad rem moveatur, videtur quod non manducat sacramentaliter, et tamen manducat sacramentum: vel ut omnis cavillatio preveniatur, dicatur quod sumere sive manducare sacramentaliter dicitur duobus modis. Primo modo ita quod ly sacramentaliter dicat modum cibi: et sic manducare sacramentaliter est manducare sacramentum : et hoc modo non queritur hic de modo manducandi. Secundo modo potest dicere modum manducantis sive sumentis : et hoc modo non sumit sacramentaliter infidelis, qui nullo motu fidei movetur. Meo autem judicio ad hoc quod manducet spiritualiter sive sumat, oportet ut medum dicat ex parte sumentis.

Ad aliud dicendum, quod ista distinctio est penes modos sumendi aliquo mo~ do corpus Christi in genere : non tamen negatur quin multi sint modi particulares quibus unus gratiam percipit majorem, alter minorem, secundum quod diversimode parati accedunt,

Ad aliud dicendum, quod _ solutio illius jam habita est in premissis: quia in isto sacramento una est res extra, et alia intra animam: et ideo ratio distinctionis oritur ex his quae sunt in sacramento, et patuit supra, quod sic non est in aliis sacramentis. .