Articulus 12

ARTICULUS XII. An indigne sumens corpus Christe id efficiat, ut malum fiat quod accipit?

Deinde queritur de hoc quod dicit, ibi, B, circa medium: "Aece enim factum est malum, dum male. accipilur bonum, etc."

Statim enim contrarium dicit in fine ejusdem capituli: "Indigne quis sumens corpus Christi, non efficit ut quia malus est, malum sit quod accipit."

Solutio. Dicendum, quod malum ex se dicitur multipliciter, scilicet formaliter, et sic intelligitur secunda auctoritas: quia sic corpus Christi non potest esse malum, sed semper est bonum. Dicitur etiam malum effective: et hoc dupliciter, scilicet ut causa per se, vel ut causa per accidens: et neutro istorum modorum corpus Christi dicitur malum : quia nec est causa mali per se, nec per accidens. Secundo modo dicitur malum occasio mali, sicut lux presens dicitur occasio lesionis infirmi oculi: et ita corpus Christi est bonum, et occasio est mali ei qui indigne sumit.