Articulus 17

ARTICULUS XVII. An velle non peccare aut cessare a peccato sit vera paenitentia ?

Deinde queritur de hoc quod dicit in principio secunde partis in solutione sua, ibi, A, § 4: "Sed Ambrosius dicit: Haec vera poenitentia est, cessare a peccate."

Videtur enim hoc esse falsum : quia 1. Cessare a peccato pura est privatio : et poenitentiam agere est aliquid agere: ergo cessare a peccato non est vera poenitentia.

2. Si forte dicas, quod cessare a peccato ponit actum interiorem anime, licet privet actum exteriorem, sicut dicunt Doctores de praeceptis negativis. Unde sensus est, cessare a peccato, id est, velle non peccare. Adhuc falsum videtur quod dicunt : quia, sicut supra habitum est, poenitentia totam essentiam habet respectu preteriti peccati : voluntas autem non peccandi et respectu peccati futuri : ergo voluntas non peccandi non est vera pceenitentia : ergo mec cessare a peccato, ut videtur.

Solutio. Dicendum, quod si fiat vis in verbo Ambrosii, optimum est verbum et subtile : quia non. cessat a peccato, qui peccat : unde qui omittit, non cessat a peccato. Item, qui transgreditur, non cessat a peccato. Est autem preceptum affirmativum ut poeniteamus, sicut habemus, Marci, 1, 4, et Matth. ut, 2!: et licet hoc non obliget ad semper, tamen tunc obligat, quando homo peccavit, et de peccato recordatur : ergo si tunc non poenitet, non cessat a peccato: quia non facit quod debet.

Item, Preceptum negativum est, non peccare, non velle peccare, nec in preterito nec in futuro: et ex hoc obligatur omnis homo semper velle non peccasse, et ad velle non peccare: et si faciat contrarium, tunc non cessat a peccato.

Patet igitur, quod.cessare a peccato, importat poenitere, et velle non peccasse, et velle non peccare : et hac sunt quae exiguntur in poenitentia.

Et per hoc patet solutio ad utrumque objectorum.