Expositio Textus

Expositio textus.

Deinde queritur de hoc quod dicit, ibi, C, § 2, in medio : "Date eleemosynam, et ecce omnia munda sunt vobis, etc."

In hac enim parte est magna questio de eleemosyna, quam dividemus in partes propter Litteram.

Et hic queremus sex articulos, scilicet in quo genere sit eleemosyna, quid sit, et utrum sit in precepto vel in consilio? Ubi etiam determinabitur ad quod preceptum reducatur, et qualiter distinguitur ab aliis partibus satisfactionis : et utrum magis consistat in voluntate interiori, vel in dato exteriori, sive in quantitate dati exterioris? Et sexto, utrum eleemosyna possit esse sine compassione, vel compassio sit ei essentialis? Hee enim sex queruntur de eleemosyna secundum se.

Postea autem procedendo in Littera queremus de eleemosyna secundum tres alias considerationes, scilicet ex parte dantis, et dati, et ejus cui danda est.