On this page
Articulus 37
Articulus 37
An hoc dictum valeat, Si ergo poenitet, cur facis quae male fecisti ?
Deinde queritur de hoc quod dicit, ibi, F, sub finem: "Si ergo poenitet, cur facis quae male fecisti ?"
Videtur enim hoc non valere: quia sepe poenitentia est de praeterito, et non de futuro ratione dulcedinis adjuncte futuro : ergo videtur, quod non sit verum quod dicit.
Item, De eo de quo nullus est fructus, sed erubescentia, poenitentia est, quando transivit: et tale est peccatum : ergo ponitentia est de praeterito, et non oportet quod etiam sit de futuro : sicut enim dicit Philosophus, "In talibus magis volumus agere, quam egisse: quia melius est delectari, quam quievisse delectari."
Soxutio. Dicendum, quod Augustinus loquitur de his qui poenitent de peccato in quantum est offensa Dei: et non in quantum est in eo delectatio verecunda quam volumus cum transivit: et ideo trahimur ad ipsam in praesenti et in futuro : et tunc planum est id quod dicit : quia qui poenitet de peccato in quantum est .offensa Dei, cavet futurum, quod etiam est offensa Dei.
